ZONEFOOTBALL

Հինգշաբթի օրը Բարսելոնայի նախագահ Ժոան Լապորտան հայտարարեց,որ մրցաշրջանի ավարտից հետո Ֆրանկ Ռայկարդը կլքի Բարսելոնան:Նրա փոխարեն թիմը կգլխավորի Բարսելոնայի Բ-ի ներկայիս գլխավոր մարզիչ 37-ամյա Խոսեպ Գվարդիոլան:
Սրա մասին Լապորտան հայտարարել է Բարսայի տնօրենների խորհրդի հերթական հավաքից հետո:Լապորտան լրագրողներին նշել է.

-Նա շատ մեծ գործ կատարեց ակումբի համար:Մենք Ռայկարդին կհիշենք որպես Բարսելոնային մեծ բարձունքների հասցրած մարզչի:Նա Բարսելոնայի հետ 2-ական անգամ հաղթեց Իսպանիայի առաջնությունում և Սուպերգավաթում և 1 անգամ էլ նվաճեց Չեմպիոնների Լիգայի հաղթողի կոչումը:Եվ նույնիսկ վերջին 2 անհաջող մրցաշրջանները չեն կարող նրա նվաճած տիտղոսները արժեզրկել: Բայց,ցավոք, նրա ղեկավարման շրջանը ավարվեց,քանի որ չկարողացանք ճիշտ հետևություններ անել նախորդ մրցաշրջանի անհաջողությունից:
Գվարդիոլան կդառնա նոր Բարսելոնայի ստեղծողը:Անկասկած,նրա օրոք Բարսան կշարունակի խաղալ բաց հարձակվողական գեղեցիկ ֆուտբոլ, ինչը մեկ անգամ չէ,որ թիմին բարձունքների է հասցրել:Նա ունի հիանալի ունակություններ,ինքնավստահություն, ցանկություն, որոնք անկասկած կօգնեն նրան լավ արդյունքների հասնելու համար:

Չնայած նրան,որ Դոնադոնին միայն մայիսի 20-ին պաշտոնապես կհրապարակի Եվրո-2008 մեկնող ֆուտբոլիստների ցուցակը,բայց Corriere dello Sport թերթը պնդում է,որ իտալացիների վերջնական կազմը կունենա հետևյալ տեսքը`

Դարպասապահներ. Ջանլուիջի Բուֆֆոն(Յուվենթուս) ,Մարկո Ամելիա(Լիվորնո),Ֆրանչեսկո Տոլդո (Ինտեր)
Պաշտպաններ. Կրիստիան Պանուչչի(Ռոմա) ,Մասսիմո Օդդո(Միլան) ,Ֆաբիո Կաննավարո(Ռեալ),Մարկո Մատերացցի(Ինտեր),Անդրեա Բարցալլի(Պալերմո),Ջիորջիո Կելլինի(Յուվենթուս) ,Ջանլուկա Ձամբրոտտա(Բարսելոնա),Ֆաբիո Գրոսսո(Լիոն)
Կիսապաշտպաններ. Ջեննարո Գատտուզո(Միլան),Անդրեա Պիռլո(Միլան),Մասսիմո Ամբրոզինի(Միլան),Դանիելե դե Ռոսսի(Ռոմա) ,Սիմոնե Պերրոտա(Ռոմա) , Ալբերտո Ակվիլանի(Ռոմա) ,Մաուրո Կամորանեզի(Յուվենթուս)
Հարձակվողներ. Ալեսսանդրո Դել Պիերո(Յուվենթուս) , Մարկո Բորիելլո(Ջենոա),Անտոնիո դի Նատալե(Ուդինեզե) , Ֆաբիո Կվալյարելա(Ուդինեզե) , Լուկա Տոնի(Բավարիա)

Ինչպես տեղեկանում ենք ՀՖՖ պաշտոնական կայքից` երեկ Ֆիֆան հրապարակեց ազգային հավաքականների ՖԻՖԱ-ի դասակարգման ապրիլ ամսվա աղյուսակը: Նախորդ ամսվա համեմատ Հայաստանի հավաքականը նահանջել է 2 տեղով և զբաղեցնում է 80-րդ հորիզոնականը: Առաջին հորիզոնականը շարունակում է պահպանել Արգենտինայի հավաքականը, որին հետևում է Բրազիլիայի և իտալիայի հավաքականները:

1. Արգենտինա – 1520
2. Բրազիլիա – 1518
3. Իտալիա – 1396
4. Իսպանիա – 1323
5. Գերմանիա – 1264
6. Չեխիա – 1244
7. Ֆրանսիա – 1205
8. Հունաստան – 1196
9. Պորտուգալիա– 1131
10. Հոլանդիա – 1123
25. Թուրքիա – 856
25. Ռուսաստան – 856
32. Ուկրաինա – 774
38. Մոլդովա – 670
46. Բելգիա – 627
49. Լիտվա – 616
59. Ուզբեկստան – 534
60. Բելառուս – 533
62. Բոսնիա և Հերցեգովինա – 522
75. Լատվիա - 428
80. ՀԱՅԱՍՏԱՆ - 392
81. Վրաստան - 389
115. Էստոնիա – 267
122. Ղազախստան - 249
134. Ղրղզստան – 203
137. Ադրբեջան – 199
148. Թուրքմենստան – 159
155. Թաջիկստան – 133

Ընդգծված են Հայաստանի ազգային հավաքականի մրցակիցները 2010 թվականի Աշխարհի Գավաթի ընտրական մրցաշարում:

Միլանի առաջատար Կական ցանկանում է Միլանում տեսնել Բարսելոնայի արգենտինացի հարձակվող Լիոնել Մեսսիին:

-Եթե Ադրիանո Գալիանին ինձ հնարավորություն տար տրանսֆերային շուկայում գործունեություն ծավալելու,ես կգնեի Մեսսիին:Այժմ նա այն ֆուտբոլիստներից է,որի խաղին ես հաճույքով եմ հետևում:Նա զարմանահրաշ է:Եթե ինձ տային գեթ մեկ տրանսֆերի հնարավորություն,ես Միլան կբերեի հենց Լեոյին:Իսկ այն,որ մենք իրար հետ կկարողանանք խաղալ իմ մոտ կասկած չի հարուցում:Ես կարող եմ խաղալ և Մեսսիի,և Պատոյի հետ,և Ռոնալդինյոյի ,և Ինձագիի հետ,-հայտարարել է Կական:

Իտալական ԶԼՄ-ները պնդում են ,որ Ռոնալդինյոյի Միլան տեղափոխվելու հարցը կարելի է փակված համարել: Բրազիլացին Միլանում չի խաղա(Ռոնալդինյոն տապալեց բոլոր բժշկական թեստերը և հիմա իր տեղափոխության հնարավորությունը բավականին ցածրացել է):Այժմ Միլանը հավանաբար կփորձի Բարսելոնայից ստանալ Մեսսիին:

Կակայի խոսքերում ուշագրավ է նաև այն փաստը,որ Կական իր ցուցակում չի նշել Ռոնալդոյի անունը: <<Մեծատամը>> վերջին շրջանում ֆուտբոլից դուրս բազմաթիվ պրոբլեմներ ունի`թմրանյութեր,տրանսվեստիտներ և այլն:

-Ես փորձել եմ զանգահարել նրան:Բայց Ռոնալդոն վերջերս լրիվ կորցրել է իրեն:Հիմա նրա համար շատ դժվար ժամանակաշրջան է և ամբողջ թիմը պետք է կանգնի Ռոնալդոյի կողքին:Ես միշտ պատրաստ եմ օգնել Ռոնիին: Նա հիանալի մարդ է,և դա հայտնի է բոլոր նրանց,ովքեր գեթ մեկ անգամ շփվել են նրա հետ:Սխալը բոլորի համար է,բոլորն էլ սխալվելու իրավունք ունեն և ես չեմ մեղադրում նրան`նա հրապարակավ արդեն ներողություն է խնդրել իր արարքի համար:

Ֆրանսիայի հավաքականի կիսապաշտպան Սամիր Նասրին երկարաձգել է պայմանագրի ժամկետը Մարսելի Օլիմպիկի հետ 3 տարով և կմնա այնտեղ մինչև 2012 թվականի հունիսը:

Եվրո-2008-ի եզրափակիչ փուլի ժամանակ Նասրին կդառնա 21 տարեկան:Իր առաջին պայմանագիրը Մարսելի հետ Նասրին կնքել է 2004 թվականին և այն ժամանակից ի վեր անցկացրած 119 խաղերում խփել է 10 գոլ:

Ինչպես հայտարարում է BBC-ն Միլանին հաջողվեց լուծել Մաթյո Ֆլամինիի Միլան տեղափոխվելու հետ կապված բոլոր խնդիրները և ֆրանսիացին 4 տարվա պայմանագիր է կնքել Միլանի հետ: Ֆրանսիայի հավաքականի ֆուտբոլիստը արդեն հաջողությամբ անցել է բուժզննումը և համաձայնեցրել է իր պայմանագրի բոլոր կետերը,ըստ որի նա <<Սան-Սիրո>>-ում կմնա մինչև 2012 թվականը:
Այս տեղափոխությունը մեծ հարված էր Արսեն Վենգերի թիմին,քանի որ այս տարի Ֆլամինին համարվում էր <<կանոնիրների>> առանցքային ֆուտբոլիստ`մասնակցել էր 39 խաղի և խփել 3 գոլ:
Իսկ ահա Ադրիանո Գալիանին նշել է,որ Ֆլամինիի տեղափոխությունը ոչ մի կերպ պետք չէ կապել Գատուզոյի անվան հետ,քանի որ Ջենարոն մնալու է թիմում:

Ալեսանդրո Դել Պիերո

Ալեսսանդրո Դել Պիերոն ծնվել է 1974թ-ի նոյեմբերի 9-ին Կոնիլյանոյում:

Քաշը. 73կգ Հասակը. 173 սմ
Ամպլուան. Հարձակվող

Ակումբները` Պադուա`1991-93թթ, Յուվենթուս`1993-ից մինչ օրս
Ա սերիայում անցկացրած 1-ին խաղը` 12.09.93` Ֆոջա-Յուվե 1:1
Սիրած ֆիլմը` <<Խիզախ սիրտը>>
Սիրած մուլտֆիլմը` Թոմ և Ջերրի
Սիրած բասկետբոլի ակումբները` Chicago Bulls и LA Lakers
Սիրած դերասանը` Ալ Պաչինո

Սանդրոյի մայրը`Բրունան, տնային տնտեսուհի էր, իսկ հայրը`Ջինոն` էլեկտրիկ: Նա ունի 1 եղբայր` Ստեֆանո անունով:
Նա հաճախ էր ֆուտբոլ խաղում իր բակի 2 ընկերների` Նելսոյի և Պիեռպաոլոյի հետ: Նրանք երեքն էլ ուզում էրն ֆուտբոլիստ դառնային, բայց դա հաջողվեց միայն Դել Պիերոյին:
Նա շատ էր սիրում տեսնել նոր վայրեր, սակայն չուներ հնարավորություն և դրա համար նա որոշել էր դառնալ բեռնատար ավտոմեքենայի վարորդ, որ գնա ուրիշ քաղաքներ: Որտեղից իմանար այդ փոքրիկ տղան, որ պիտի ճանապարհորդեր ամբողջ աշխարհում, որպես հռչակավոր ֆուտբոլիստ:
Ի տարբերություն այլ ֆուտբոլիստների Դել Պիերոյի ֆուտբոլային ճանապարհը բավականին հեշտ էր: Ամեն ինչ սկսվեց 7 տարեկանից, երբ նրա մայրը բերեց նրան մանկական սիրողական <<Սան-Վենդեմյանո>> ակումբը, որի մարզիչը Ումբերտո Պռեստոն էր: 13 տարեկանում Սանդրոն դառնում է <<Պադուայի>> խաղացող, որը այդ ժամանակ խաղում էր Բ Սերիայում: Առաջին տարում նա իրեն մի քիչ անվստահ էր զգում, բայց տարեցտարի նա դառնում էր ավելի ու ավեկի լավը: Վաղ հասակից էլ Դել Պիերոն ձգտել է հասնել իդեալականին: Երբ որևէ խաղ էր նայում միշտ հետևում էր բարձր մակարդակի խաղացողներին այնպիսին, ինչպիսին էր Պլատինին, իսկ հետո պարապմունքների ժամանակ փորձում էր կարատել տեսածը: Դի Լիվիոն`ով առաջիններից էր, որ ծանոթացավ Ալեքսի հետ (նրանք սկզբում ծանոթացել են Պադուայում, իսկ հետո նրանց ընկերությունը շարունակվել է նաև Յուվենթուսում), նրա մասին այսպես է ասել` <<Նա մեծ ֆուտբոլիստ կդառնա, նույնիսկ հիմա նրա հարվածները շատ բարձր մակարդակի են>>: Դե պարզ է, որ այդպիսի տաղանդավոր տղան չէր կարող վրիպել բարձրակարգ ակումբների աչքից: Անցյալում հայտնի կիսապաշտպան Ֆրանկո Կաուզիոն, 1980-ական թթ. դառնում է Յուվեի գլխավոր մարզիչը և Բ Սերիայի խաղերից մեկում տեսնելով Դել Պիերոյին առաջարկում է պայմանագիր: Միաժամանակ նրանով հետաքրքրվում էր նաև Միլանը, սակայն նա ընտրեց Ծեր Սիրյորային մի պարզ պատճառով` այնտեղ է խաղացել նրա ֆուտբոլային կուռք Միշել Պլատինին: Սակայն պայմանագրի մեջ կար մի կետ համաձայն, որի նա պետք է ևս 2 տարի խաղար Պադուայում ավելի փորձառու դառնալու համար: Նա համաձայնվում է և որոշ ժամանակ անց դառնում է երիտասարդական թիմի խաղացող: Այստեղ նա իրեն դրսևորում է իր լավագույն կողմերով: Ալեսանդրոն իր թիմակիցների հետ հաղթեց առաջնությունը, իսկ հետո նաև Վյարեջոյի միցանակը` Կառնեվալեի գավաթը: Եվ այդ պահից սկսվում է Ալեսանդրա Դել Պիերոյի աստղային ճանապարհը: Ալեսանդրոն հայտնվեց Յուվեի մարզչական ճամբարում 1993թ-ի սեպտեմբերի 12-ին, իսկ Ա սերիայում իր առաջին խաղն անցկացրել է Ֆոջայի հետ խաղում: Արդեն իսկ հաջորդ խաղում ` Ռեջինայի հետ, երբ նա դուրս է գալիս փոխարինման Ռավանելլիի փոխարեն, դառնում է գոլի հեղինակ: Իսկ Պարմայի հետ մրցավեճում դուրս է գալիս հիմնական կազմում և դառնում հեթ-տրիկի հեղինակ: Յուվեի այդ ժամանակվա մարզիչ Ջովանի Տրապատոնին շատ հավանեց նորեկին և նրան համեմատեց Պաոլո Ռոսսիի հետ: 1994/95թթ. մրցաշրջանում Յուվեում տեղի ունեցան կադրային փոփոխություններ և գլխավոր մարզիչ նշանակվեց Մարչելո Լիպպին: Լիպպի ուսումնասիրելով Ալեքսի հնարավորությունները, նրա մեջ տեսնում է խաղը կազմակերպողի` փլեյմեյքերի հատկություններ և խաղի ժամանակ նրան ոչ թե ընդգրկում է որպես հարձակվող, այլ ավելի շուտ խաղը կառուցող, սակայն դա չի խանգարում նրան խփել գոլեր: Այդ իսկ տարում նա դառնում է Ա սերիայի լավագույն երիտասարդ խաղացողը: Նա խփում էր գոլեր ռեգուլյար կերպով` սկզբում առաջնությունում, իսկ այնուհետև ՈւԵՖԱ-յի գավաթում: Առաջնության վերջին խաղում նա հագնում է 10 համարի մարզաշապիկը, որը նրանից առաջ կրում էր Ռոբերտո Բաջոն: Նա շատ երջանիկ էր, քանի որ այդ համարի մարզաշապիկը կրել է նաև իր կուռքը` Միշել Պլատինին: 10 համարի մարզաշապիկը, որը միշտ պատկանել է թիմի լիդերին, թիմի նորեկի համար այսպես ասած ավանս էր, բայց շուտով նա իրեն արդարացնում է և ցույց տալիս, որ արժանի է 10 համարի մարզաշապիկ կրելուն:
1994/95թթ. Յուվեն հաղթում է Սկուդետոն, Իտալիայի գավաթը և հասնում մինչև ՈւԵՖԱ-յի գավաթի խաղարկության եզրափակիչ: Հաջորդ մրցաշրջանում Յուվեն բարձրանում է մի աստիճան վերև և դառնում է Եվրոպայի լավագույն թիմը: Մեծ էր այստեղ Դել Պիերոյի ներդրումը: 1996/97թթ. մրցաշրջանում թիմից հեռանում են Վիալլին և Ռավանելլին: 20-ամյա երիտասարդի ուսերին ընկում է շատ ծանր բեռ` նա պետք է դառնալ հարձակման լիդերը և պատվով դուրս է գալիս այդ իրավիճակից: Հաղթական 1996թ-ին, երբ Յուվեն արժանացավ բոլոր հնարավոր եվրոպական մրցանակներին և Միջմայրցամաքային գավաթին, Դել Պիերոն փայլուն կերպով անցկացրեց բոլոր եզրափակիչ խաղերը: Այաքսի հետ դժվարին խաղում նա իրականացրեց հետխաղյան 11 մետրանոցներից մեկը, իսկ Տոկիոյում նվաճեց Միջմայրցամաքային Գավաթի լավագույն խաղացողի կոչումը` դառնալով միակ գոլի հեղինակը Ռիվեր Փլեյդի հետ խաղում: Այդ մրցաշրջանը ամենափայլունն էր Դել Պիերոյի կարիերայում: Խաղացողները և մարզիչը այսպես են արտահայտվել նրա մասին. <<Նա շատ ուժեղ անհատականություն է, թիմին անձնազոհ կերպով նվիրված: Նա բարձրակարգ ֆուտբոլիստ է` փայլուն որակների տիրապետող: Նրա խաղը այնքան անկանխատեսելի է, որ բոլոր դարպասապահներին անհարմար դրության մեջ է դնում, նույնիսկ լավագույններին>>: Եվ շուտով Դել Պիերոն դառնում է Արիգո Սակկիի սիրելի ֆուտբոլիստը և նա Ալեքսին հրավիրում է հավաքական: Գալիս է և այստեղ գոլ խփելու ժամանակը: Նա օգնում է իր հավաքականին դուրս գալ 1996թ-ի Եվրոպայի առաջնության եզրափակիչ փուլ: 1996/97թթ. մրցաշրջանում Ալեսանդրոն թիմակիցների հետ հասնում է ՉԼ-ի եզրափակիչ: 2 մրցաշրջան անընդմեջ նրանք հաղթում են Իտալիայի Սուպերգավաթը: Այս մրցաշրջանում էլ նորից Յուվեն հաղթում է Սկուդետոն: 1998թ-ին նա ծնկի վնասվածք է ստանում Ուդինեզեի հետ խաղում (2-2) և ստիպված չի խաղում շատ երկար ժամանակ և առանց նրա թիմը գրավում է 6-րդ տեղը: Այդ վնասվածքը հիմա էլ հաճախ նրան անհանգստություն է պատճառում: Դել Պիերայի մասին շատ դրական է արտահայտվել նաև Հանս Յորգեն Նիլսոնը. <<Գոյություն ունի խաղացողների երեք տեսակ. առաջինները տեսնում են այն պահերը, որոնք տեսնում է նաև հանդիսատեսը և խփելով գոլ` նրանք բավականություն են ստանում արված գործից: Երկրորդները` օգնում են թիմակիցներին տեսնել այն պահերը, որոնք իրենք էլ կտեսնեին, եթե մի քիչ ուշադիր լինեին և գոլից հետո հոգեկան հանգստություն են զգում: Եվ կա մի երրորդ տեսակ, որոնք ստեղծում են պահեր, որոնք չէին կարող լինել: Դել Պիերոն հենց այդպիսին է>>: Դել Պիերոն իրական աստղ դարձավ 1997/98թթ. մրցաշրջանում: Նա արդեն ափոխարինելի առաջնորդ էր , Յուվեի կապիտանը և լավագույն հարձակվողը` նաև Ա Սերիայում:
1998թ-ի ԱԱ նրան համեմատում էին Ռոբերտո Բաջոյի հետ, որպես լավ խաղացող: 2 տարի անց Եվրո-2000-ի ժամանակ նա եզրափակիչ խաղում Ֆրանսիայի դեմ , վերջին րոպեներին բաց թողեց 2 հիանալի հնարավորություն, որը նրանց կդարձներ չեմպիոն: Այստեղ էլ ֆուտբոլասերները սկսեցին նրան համեմատել Բաջոյի հետ` հիշելով 1994- ի ԱԱ, երբ Բաջոն վրիպեց 11 մետրանոցը, սակայն սա այնքան էլ երկար չարծարծվեց: 2002 թ-ի ԱԱ եզրափակիչի ուղեգիրը Իտալիային ապահովեց նորից Դել Պիերոն, որոշիչ գոլ խփելով Հունգարիային: Սակայն այստեղ նրանք շատ առաջ չգնացին:
2004թ-ին Յուվեի մարզիչ է դառնում Ֆաբիո Կապելլոն, որը նախապատվությունը տալիս է Այաքսից եկած Զլատան Իբրահիմովիչին: Սակայն Դել Պիերոյի աստղը չի խամրում և նա այդ մրցաշրջանում դառնում է 14 գոլի հեղինակ և Յուվեն նվաճում է 28-րդ Սկուդետոն:
2006 թ-ի ԱԱ ժամանակ նա նույնպես իրեն լավ դրսևորեց` ցույց տալով տիպիկ խաղ, աչքի ընկնելով Գերմանիայի հավաքականի հետ խաղում , եզրափակիչում 11մետրանոց իրականացրեց և արժանիորեն նվաճեց ԱԱ գավաթը, որը նրա մանկության երազանքն էր:
Հավաքականում նույնպես նա կրում էր 10 համարի մարզաշապիկը, որը սակայն հետո տվեց Տոտտիին և վերցրեց 7 համարը, քանի որ նա առաջին անգամ որպես պրոֆեսիոնալ ֆուտբոլիստ խաղադաշտ է մտել 7 համարի մարզաշապիկով:,Իսկ 10 համարի մարզաշապիկը հիմա կրում է Դանիելե Դե Ռեսսին կամ Կասանոն, քանի որ ոչ Տոտտին, ոչ Դել Պիերոն էլ հավաքականում չեն: Սակայն Դել Պիերոն շատ է ուզում հետ վերադառնալ Սկուադրա Աձձուրա:
2006թ-ի հունվարի 10-ին Իտալիայի գավաթում Ֆիորենտինային խփելով 3 գնդակ նա ոչ միայն դարձավ հեթ-տիրկի հեղինակ, այլև Յուվենթուսի հարյուրամյա պատմության մեջ լավագույն հարձակվողը (185 գոլ) և առաջ անցավ Ջանպիերո Բոնիպերտիից (183):
Իտալական ֆուտբոլային սկանդալից հետո Յուվեն ստիպված էր խաղալ Բ Սերիայում և զրկվել վերջին 2 սկուդետոներից: Սակայն Դել Պիերոն չլքեց իր թիմը և այդ տարի խաղաց Բ Սերիայում:
Հիմա Ալեսանդրո Դել Պիերո անունը կապվում է ոչ միայն ակումբի մի ժամանակահատվածի հետ, այլ ամբողջ ակումբի պատմության հետ: Ծեր Սինյորայի երկրպագուների համար նա դարձել է խորհրդանիշ և անփոխարինելի է նույնիսկ հիմա, երբ նա խաղի սկզբում պահեստայիններ նստարանին է, բոլորը գիտեն որ կգա այդ խաղի ժամանակ այն պահը, երբ թիմի աստղը դուրս կգա և կվճռի խաղի ելքը: 2007 թ-ի հունվարի դրությամբ նա դարձել է 205 գոլի հեղինակ, որոնց մեջ ներ են առնված բոլոր պաշտոնական խաղերում խփված գոլերը:
Նրա մականունն է Պինտուրիկո, որը նրան տվել է Ջաննի Անյելլին, երբ նա Դել Պիերոյին և Բաջոյին համեմատեց Պերուջայի ուսանող Պինտուրիկոյի և ուսուցիչ Կարավաջոյի հետ: Երկրպագուները նրան անվանում են նաև “Il Fenomeno Vero” որը նշանակում է ճիշտ, իսկական ֆենոմեն:
Նա նաև շատ գրավիչ է և ըստ հարցումների ավելի քան 20.000 իտալուհի նրան համարում է մոլորակի ամենահամակրելի տղամարդը: Նա ընկերություն է անում ճանաչված երգիչ Էրոս Ռամազոտիի հետ:

ՏԻՏՂՈՍՆԵՐԸ`
Ա Սերիայի հաղթող` 1995, 1997, 1998, 2002, 2003, 2005, 2006
ՉԼ-ի հաղթող` 1996
Միջմայրցամաքային գավաթակիր`1996
Լավագույն մրցաշրջանը`1997-98- 21 գոլ Ա Սերիայում
ԱԱ Չեմպիոն` 2006
Եվրոպայի փոխչեմպիոն` 2000

Երեկ երեկոյան Ռեալը 2:1 հաշվով հաղթելով Օսասունային վաղաժամկետ նվաճեց Իսպանիայի չեմպիոնի տիտղոսը:

Օսասունա-Ռեալ 1:2(0:0)

Գոլեր` Պունյալ 85′-1:0(11 մ),Ռոբբեն 87′-1:1,Հիգուաին 89′-1:2

Ընդ որում Ռեալը 47-րդ րոպեից խաղում էր 10 հոգով,քանի որ խաղադաշտից հեռացվել էր իտալացի պաշտպան Ֆաբիո Կաննավարոն`երկրորդ դեղին քարտը ստանալու պատճառով:Նշենք նաև,որ երեկ երկրորդ տեղում ընթացող Վիլյառեալը 2:0 հաշվով հաղթեց Խետաֆեին,իսկ Բարսելոնան 6:0 հաշվով ջախջախեց Վալենսիային:

Բավարիան Գերմանիայի առաջնության 31-րդ տուրում ոչ-ոքի`0-0 հաշվով  ավարտելով Վոլֆսբուրգի հետ արտագնա մրցավեճը,անկախ մնացած խաղերի արդյունքներից ապահովեց Գերմանիայի չեմպիոնի տիտղոսը:

Մյունխենցիների համար սա արդեն 21-րդ չեմպիոնությունն է:Հետաքրքիր է,որ Բունդեսլիգայի հիմնադրումից հետո(1963թ.) Բավարիան 20 անգամ դարձել է երկրի չեմպիոն,իսկ մինչ այդ նա կարողացել է հաղթել ընդամենը 1 անգամ`1932 թ.: Նշենք նաև,որ վերջին 4 տարիների ընթացքում Բավարիան արդեն 3-րդ անգամ է դառնում <<դուբլի>> հեղինակ(Գերմանիայի չեմպիոն և գավաթակիր): 

2007 թվականի սեպտեմբերին Ալեսսանդրո Դել Պիերոն ,թվում էր,ավարտեց իր ելույթները Իտալիայի հավաքականի կազմում:Ֆրանսիացիների հետ հանդիպումից հետո Դել Պիերոն հայտարարեց,որ այլևս չի խաղա հավաքականի կազմում,եթե մարզիչը նրան շարունակի օգտագործել կիսապաշտպանությունում:Այդ ժամանակ տպավորություն ստեղծվեց,որ Դել Պիերոն,որն անցկացրել էր <<Սկուադրա Աձուրայի>> կազմում 85 խաղ և խփել 26 գոլ հրաժեշտ է տալիս հավաքականին:
Սակայն Եվրո-2008-ից առաջ ֆուտբոլիստը գտնվում է փայլուն մարզավիճակում և ստիպել է Դոնադոնիին մտածել իր հավաքական վերադառնալու շուրջ:Այս մրցաշրջանում Դել Պիերոն ոչ միայն խփել է 17 գնդակ Սերիա Ա-ում,այլ նաև ապացուցել է,որ նույնիսկ 33 տարեկան հասակում կարող է խաղալ բարձր մակարդակի ֆուտբոլ:Իտալիայի առաջնության նախորդ տուրի`Ատալանտայի հետ հանդիպման ժամանակ Դել Պիերոն հեթ-տրիկի հեղինակ է դարձել:

-Ֆրանսիայի հավաքականի հետ հանդիպման ժամանակ ես խաղացի կիսապաշտպանությունում:Կարծում եմ,ես կարող եմ խաղալ այդ դիրքում,սակայն եթե ես խաղայի հարձակման գծում,արդյունքը կարող էր լրիվ ուրիշ լինել:Դոնադոնին գիտի այդ մասին,և ես չեմ կարծում,որ դա է խնդիրը:Հիմա ես ոչ մի տարաձայնություններ չունեմ նրա հետ:Մենք նույնիսկ մի քանի անգամ խոսացել ենք իրար հետ,և մեր միջև լավ հարաբերություններ են:
Դոնադոնին Իտալիայի հավաքականում հիմնականում կիրառում է 4-2-3-1 տակտիկան:Կարծում եմ,ես կարող եմ լինել 3 հարձակվողական ոճի ֆուտբոլիստներից մեկը,ովքեր պետք է գնդակ մատակարարեն Լուկա Տոնիին:Ես խաղացել եմ այդ դիրքում Ֆարերյան կղզիների հետ հանդիպման ժամանակ և ինձ շատ լավ էի զգում այդ դիրքում:Կարծում եմ ունիվերսալությունը շատ կարևոր հատկանիշ է,սակայն նույնիսկ Յուվենթուսում ես չեմ գործում կիսապաշտպանությունում,քանի որ կան ֆուտբոլիստներ,որոնք այդ դիրքում հաստատ ինձնից լավ կգործեն,-հայտարարել է Դել Պիերոն:

Միևնույն ժամանակ Յուվենթուսի իտալացի գլխավոր մարզիչ Կլաուդիո Ռանիերին չի տեսնում Իտալիայի հավաքականը Եվրո-2008-ում առանց Դել Պիերոյի:

-Ալեքսը հիանալի մրցաշրջան է անցկացնում:Համոզված եմ,որ Դոնադոնին նրան կընդգրկի թիմի հայտացուցակում,չնայած այդ թեմայով ես Դոնադոնիի հետ չեմ զրուցել:Դել Պիերոն գտնվում է հիանալի մարզավիճակում,և նույնիսկ խաղերի ժամանակ հասցնում է օգնության հասնել պաշտպաններին:Նա շատ կարևոր խաղացող է մեզ համար,-նշել է Ռանիերին:

Յուվենթուսի դարպասապահ Ջանլուիջի Բուֆֆոնը համամիտ է գլխավոր մարզչի հետ`

-Մեր թիմում նա անձեռնմխելի է:Դել Պիերոն արժանի է պարգևի:Համոզված եմ,որ իր խաղով նա կհամոզի Դոնադոնիին և մենք կտեսնենք Ալեքսին Եվրո-2008-ում:

Անձամբ Դել Պիերոն կարծում է,որ ամենալավ մեթոդը հավաքական հրավիրվելու շարունակել գոլեր խփելն է:

-Ես հիմա հիանալի շանսեր ունեմ առաջին անգամ իմ կարերայի ընթացքում դառնալ Սերիա Ա-ի գլխավոր ռմբարկու:Բայց դա իմ համար առաջնային չէ,առաջնայինը թիմային հաջողություններ են:Ես միանգամայն բավարարված եմ իմ խփած գոլերով և թիմի տարած հաղթանակներով:Ես շատ եմ ցանկանում մասնակցել Եվրո-2008-ին,սակայն ոչ մի դեպքում չեմ հետևում այն ֆուտբոլիստների խաղին,ովքեր ինձ մրցակից են համարվում հավաքականի տեղի հարցում:Ես միայն իմ խաղին եմ հետևում,շարունակում եմ գոլեր խփել և հաղթանակներ պարգևել Յուվենթուսին:Մնացածը ըստ հերթականության…